張惠妹上海開騷被指走樣　全城怒哮：惡意攻擊

台灣天后張惠妹近期喺內地開緊巡唱嘅佢，完美演出備受好評，而演出期間狀態絕佳嘅佢，更每次演唱會結束後都喺社交網晒出一系列演出靚相，猶如洋娃娃般嘅精美五官及火辣身材，更係冧暈唔少粉絲。而日前，就有內地網友晒出張惠妹9月上海站嘅側拍相，並用張惠妹晒出嘅舞台相做對比道：「不聽聲音真難辨出是她！」引嚟唔少粉絲護航道：「妹姐狀態超絕！」、「那又怎樣？就算500斤（250KG）我都喜歡！」、「妹姐還是有瘦！」、「角度問題！」亦有粉絲認為相較外貌變化，張惠妹嘅歌聲仍然令人相當震撼：「聽完感覺自己每一根寒毛都豎起來了，不由自主地鼓掌！」