琦琦深圳街道行紅地氈　同行街一樣咁輕鬆

名模琦琦日前在深圳出席時尚活動，她為大會拍了多輯靚相，相當有誠意，其中她踏上一個鞦韆擺甫士，型格十足。琦琦透露是次活動首次選在大灣區舉行，將深圳一條街道變成紅地氈，行紅地氈讓人感覺好似行街般輕鬆，她從未行過此區，希望下次可以再來shopping，她表示：「第一次喺街道上行紅地氈，大會將整條街封路，沿途聽着音樂，感覺好玩又時尚，好配合今次嘅主題是做自己。」

琦琦表示最開心可以聽到內地歌手周深演唱；「佢唱咗兩首歌，唱多點更好。」活動上不少人向她詢問Keep Fit心得，以為她是運動達人，她笑言其實一向不戒口及少做運動。另外提到近日非常忙碌，因為自家珠寶品牌將會在上海和廣州搞活動，宣傳聖誕系列，日前更飛到上海睇場地，做事親力親為。