羅志祥媽咪唱歌片段曝光　打扮前衛又性感

「亞洲舞王」羅志祥（小豬）4年前慘遭周揚青「毀滅性分手」，被爆出愛做「多人運動」後形象盡毀，導致演藝事業陷入低谷，近年成功復出嘅佢，更頻頻喺社交網晒出同媽咪四圍玩嘅合照，以「孝子」形象重回演藝圈。而日前，有網友喺社交網晒出段自己父母結婚時嘅影片，並透露當時邀請嘅婚禮歌手，竟然就係羅志祥嘅媽咪，珍貴畫面亦引嚟羅志祥留言道：「天呀天呀，不知道為甚麼看到這影片，就會看到我爸，雖然沒有拍到我爸，但他就站在旁邊，謝謝你讓我看到這麼珍貴的影片。」