蔡一傑切除腦瘤執番條命　醫生籲病愈繼續忘情森巴舞

草蜢紮紮跳，永遠予人正能量，蔡一傑做完切除腦瘤手術，如今大步檻過，許多Fans都想他休養夠後，再於幕前繼續忘情森巴舞。對於傑仔望再踏舞台，家庭醫生關嘉美表示只要手術成功，把腫瘤完全切除，完全是可以復出：「最緊要係佢有積極同正面嘅心，康復後係可以同一般人一樣出嚟做嘢，重新投入社會，千祈唔好覺得生瘤會諗自己唔知擺幾耐，只要手術成功，冇後遺，就要支持自己繼續做嘢，個人開心，先會康復得快，佢要對自己有信心！」

對於腫瘤的形成，無論良性或惡性，關嘉美指醫生生尚未知真正成因，有可能是遺傳和環境因素，建議大家樂觀面對人生，心境快樂，人自然會健康。