慶祝離婚1周年　Britney Spears宣布與自己結婚？

美國樂壇天后Britney Spears去年8月被健身教練老公Sam Asghari入紙申請離婚，曾被精神問題困擾的她「被離婚」不夠1個月即搞離婚派對任男人舔腳慶祝，而日前她又「嚟料」上載片段自稱與自己結婚。

片中Britney身穿白色婚禮裙白頭紗傻笑唔知搞乜，而她留言表示：「呢日我已與自己結婚。。。重提呢件事可能睇起嚟尷尬或者愚蠢，但我覺得呢件係我做過最聰明嘅事情!!!」在post「婚紗照」之前，Britney亦貼上一間沒有人的天主教堂，她並未有留言作解釋。