范瑋琪復出赴杭州開騷　濾鏡太重容貌崩壞惹熱議

台灣歌手范瑋琪（范范）近年捲入失言風波沉寂多時，原定去年（2023）全面復出開唱嘅佢，更因老公陳建州（黑人）捲入性醜聞，令佢不得不暫停復出大計，直到今年6月先事隔5年喺內地開唱復出。日前喺杭州開唱嘅佢，更邀請到王力宏、潘瑋柏擔任表演嘉賓，並喺社交網晒出3人合照道：「心滿意足，謝謝杭州！」不過似乎受妝容或濾鏡影響，令佢五官變形大走樣，引嚟唔少網友留言道：「乍看以為蕭亞軒！」、「怎麼臉怪怪的？」、「還在想范范在哪裏。」、「醫美吧…很多明星不都這樣？」、「看起來像濾鏡啦！」、「差點以為是嘟嘟人。」、「濾鏡太誇張了吧？」、「長得很奇怪。」