陳卓賢年底推第5首新歌　冇諗過頒獎禮爭獎

人氣男團MIRROR成員陳卓賢（Ian)在西九出席展覽活動分享幸福，更錄低了多段幸福說話與參觀者分享。他覺得能照顧及與身邊人保持聯繫，已經是幸福。不過，與家人關係密切的Ian笑言他們一家人也較內斂，就算經常一齊食飯也比較少說話，但近年他成長後也開始有改變，會抱抱和向媽媽說我愛你：「初頭佢有啲嚇親，有啲唔習慣，點解我會咁主動嘅，依家會慣啲，佢畀我嘅愛融化咗。」

講到接近年尾頒獎禮，今年推出不少歌曲的Ian可有信心歌詞入圍爭獎？他說：「真係冇諗，年底前仲會有第5首歌推出。」問到是否為了爭多個獎項？他則說：「唔係，因為自己諗咗個故事，5隻歌就係一個完美嘅ending，一向做歌都係專注落去，冇話諗爭獎。」

講到AK生日，他指有發訊息祝賀，之後會補祝生日飯，因近期各有各忙他要為MIRROR小組歌拍攝MV，其間更病了，發住燒通宵拍攝。他指雖然也不算多生病，但也要多做運動保持健康，笑言除了拉筋、瑜伽這類運動，其他運動也喜歡：「小學學跆拳道拉筋拉到喊，拉到驚咗，自己的筋實在太硬。」