阿信都搶唔到周杰倫飛！演唱會預告唱周氏情歌冧粉絲

將成為首位台北大巨蛋開騷嘅台灣天王周杰倫（Jay），時隔7年重返台灣開騷嘅佢，4場演出共15萬張門票瞬間秒殺，一票難求之餘，更有唔少藝人粉絲喺社交網公開求票，就連好友台灣天團五月天主唱阿信，都忍唔住呻道：「如果你沒買到周董演唱會門票，不要灰心，我也沒有！」

日前，阿信喺社交網發文宣傳五月天跨年演唱會，預告道：「演唱會上正在考慮演唱《說好不哭》等等大量周氏情歌來安慰大家。」除咗想獻唱同Jay合作嘅《說好不哭》外，仲開放粉絲點歌，瞬間掀起各自粉絲熱烈討論外，就連Jay本人都留言道：「真的要唱喔，不能騙喔！」引嚟唔少粉絲期待2人可以再度喺演唱會上合體。