魏浚笙準備除褲謝票　何啟華自詡任砌抵玩

藝人魏浚笙（Jeffrey)、王菀之（Ivana）、王丹妮（Louise）、何啟華（Dee）、林家熙（Locker）、許恩怡（Natalie）和黃愷傑（Wesley）出席電影《焚城》，今日舉行電影宣傳曲《一世隊友》的MV花絮首播見面會。《一》這首歌是改編自《最佳損友》，由Jeffrey、Dee、Locker和黃愷傑等全男班主唱。

MV中見到謝君豪率領Dee、Jeffrey、Locker、Wesley和梁仲恆（阿炳）濕身騷麒麟臂演出，媲美澳洲的大隻佬消防員的月曆照，王菀之睇完講笑提議應該要出月曆。Louise及Natalie就大讚MV好睇，Louise更期待下次自己有份參與合唱。Dee就笑言今次全程「Chok住」拍攝，爆拍攝期間好多學生對着Jeffrey尖叫，Locker笑言不止學生，連老師都被吸引出來圍看。Dee笑指跟幾位男生合作好開心：「ERROR成員成日欺負我，當我寵物，同佢哋一齊我就似人。」

Dee和Jeffrey受訪時表示拍MV時只着住防火褲和背心，問票房好可會除褲謝票？Dee笑言除褲頭三位未輪到他，應該由Jeffrey負責。Jeffrey就戲言不如除鞋，不過近日操練變大隻了，練出4.6至6件腹肌，已準備好不怕除褲，Dee自言不用操練，問是否無戲拍不用操？他笑稱：「係好多戲不過未搵我，我出名任砌，係放題演員，抵食抵玩抵用。」表示電影市道差，前輩仍然堅持拍電影，令年輕演員有發揮好感恩。提到隊友保錡爆出姊弟戀，Dee代保錡否認：「我好公道，呢個係老屈，我好清楚唔係，但啲人信。希望大家高抬貴手，不要再狙擊佢，每個人都有啲創傷後遺症。」並祝保錡快點脫離低谷。

王菀之睇過此戲兩次，表示睇首映時比睇試片更專注，同觀眾一起睇有另一番感受，戲中只在冷氣房拍攝，全靠想像感受到演員的辛苦，所以看到製成品時忍不住眼淚。覺得消防員好有型，也好想演，拍攝前也有鍛煉身體，講笑：「我唔使着消防衣，但着住件西裝都好修腰嘅！」今次宣傳歌屬全男班，表示也想自焉唱一首女版，給男生慰藉和溫暖的歌曲。王丹妮演消防隊長，拍攝時正值夏天，需要着全副裝備，着住衫和現場環境高達40多度，要孭住重裝跑，體能上是一大考驗，拍完瘦了10磅之多，臉都凹陷，要食健康食品補充，現已回復飽滿。她說老公見她瘦得快表示羨慕，也加緊做健身。