伍允龍自揭學武原因　慳水慳力保護自己

藝人伍允龍（Philip）接受電台訪問，指7歲起開始習武，自爆小時候因一原因才扚起心肝學武：「細個爸爸教我功夫都係想幫我放電，因為我比較活躍，等我打完之後可以靜啲，直至13歲喺學校畀同學一捶打落我心口瞓咗喺度，嗰時就開始好認真去學習武術。」

Philip指功夫對他來說是種技術，可以用最慳力、直接及簡單的方法擊倒對方，同時又可以學懂如何保護自己，他說：「依家我啲功夫主要用嚟拍戲，當然我知道個目標先可以表達到出嚟。」其製作公司於今年3月開拍了一套電影《無名火》，戲中的他不但打到飛起，更首次挑戰印尼武術和運用虎勾刀，他說：「我唔識印尼武術，不過我模仿力OK，所以請咗個專業印尼功夫師傅做顧問，幫手執我啲動作。」

Philip的父親在美國開武館，旗下有不少學生，他指每位學生前往學功夫都有不同原因：「好得意，有啲睇完電影《葉問》就好想學，所以部戲出咗之後，喺美國嗰邊多咗好多學生，有啲就想有個技術可以保護自己或身邊人，亦有啲純粹為興趣。」