周杰倫大巨蛋騷加開新位　講明呢個區域有「隱憂」

台灣天王周杰倫假台北大巨蛋騷上周開賣，創下15萬張門票5分鐘售罄嘅歷史紀錄，成績驚人，門票早前已經炒到5.6萬張飛，繼續有價有市。眼見黃牛當道、假飛亂象橫生，今日（30日）其唱片公司杰威爾宣布，加開部分視線遮蔽區門票，並於本周六（2日）中午12點開賣，預計將會有新一批搶飛潮。今次開賣嘅部份，已講明係「視線遮蔽區」：「本區因場館本身既有的欄杆安全設施或主舞台兩側座位及音響器材周圍，可能會造成部分座位無法觀看完整舞台。」隨時再創下新紀錄。