節目巡禮︱陳自瑤唔使王浩信陪　讚女兒獨立自己出去玩

藝人陳自瑤今日（1日）現身無綫節目巡禮，問到有否追看丈夫王浩信有份主演的劇集《黑色月光》時，她坦言沒有，因為忙做電商活動，昨晚才在廣州帶貨再趕回來出席今日活動，她自言直播額OK，會繼續努力，又大讚女兒自10歲開始已很獨立，昨日萬聖節自己出去玩，不需要她陪伴。

提到王浩信簽內地經理人公司在內地發展，她說：「我知，2年前佢已經離巢，係好事，希望佢有時間多啲返嚟陪個女。（唔需要陪你？）因為我都好忙。」她強調夫婦倆沒有丟下女兒搵銀：「我以前都付出好多，囡囡細個嘅時候，我成日都陪佢，近年工作忙先係咁，估唔到囡囡暴風式成長好獨立，就算我內地有工作，我一有時間都會返嚟香港陪囡囡。」至於會否擔心一家人相處時間變少，她重複謂：「慣㗎喇！慣㗎喇！」