張致恒搵兼職遭批要求多多　吳浩康：人各有志

藝人張致恒（Steven）跟太太歐燕雯（雯雯），育有四名兒子，因經濟問題不時家嘈屋閉，雯雯經常網上放負指摘老公兼嗌離婚，獲封為「離婚界KOL」。早前致恒成功考獲「平安卡」，投身地盤界收心養性開工養家，早前更透露自己的「工作進度」，疑似去做渠務署外判的雜工，日薪800元至900元。一個月開足25日月薪也只得約22,500元，看來亦難以應付一家六口，所以他連星期日假期都想開工搵錢。

他在社交平台出post搵工，表示：「想問下有冇星期日嘅part time工作？淨係星期日」。結果又遭網民狙擊指他搵工都要求多多。另一邊廂，同樣轉投地盤界的藝人吳浩康，網上發文疑似隔空回應「人各有志，無謂強人所難」。

不過，向來與丈夫對着幹的雯雯，在社交平台表示：「返一份full time唔夠，放假想做多份，都要俾人話要求多，咩世界？」主動出Post護夫反擊網民，令網友感到相當好奇。