黃德斌首度夥拍葉童演話劇　做夫婦有咩唔講得？

型男黃德斌首度夥拍金像獎影后葉童的黑色話劇《唔講得》將於11月14至17日公演，日前宣布加開11月16日下午場。黃德斌指劇名相當特別：「喺真實生活中，究竟咩係『講得』，咩係『唔講得』」呢？講咗出嚟又會有咩後果呢？以上種種都讓我思考。」

他又指在劇中和葉童除是夫婦外，亦分別是腦外科醫生及腦內科醫生，當中很有多三角關係，所以他覺得劇本屬多元化，有感情、荒誕及超現實元素。至於身兼導演、改編、舞台及多媒體設計的胡恩威，就以「懸疑、荒誕、曖昧」形容該劇。

而葉童直言演出為她帶來個人突破：「個故事很特別，令我不停思考，每次都畀到諗到新嘅嘢，每次綵排都有火花。我又會想，呢次唔係純粹將戲演出來咁簡單，個劇令我發掘到連自己都想像唔到嘅嘢。」