「御用惡人」黃子揚補擺婚宴　突變「古惑仔」聚會

有份演出《古惑仔》系列的「御用惡人」黃子揚，2017年第3度結婚與內地經理人BoBo拉埋天窗，但原來一直未擺酒，至近日才補擺婚宴，多位圈中好友都有出席，包括張文慈、張兆輝、林國斌、吳志雄夫婦、程東、梁綽滿、朱永棠、 王俊棠夫婦、梁小龍、莫少聰、吳毅將、黃一山和尹揚明等人，當中有不少均是《古》系列演員，網民即笑指婚禮秒變古惑仔聚會，掀起回憶殺。席間張文慈、張兆輝、吳志雄和朱永棠等人輪流上台表演，炒熱全場氣氛。

張文慈接受東網訪問，透露原來與男女雙方均認識：「其實我唔單只係子揚朋友，同新娘BoBo都識咗好耐，睇住佢哋由單身、拍拖到結婚，真係好感動，祝佢哋白頭到老，嗰晚我哋全部都玩得好開心。」她又指原來當日是被臨時拉上台獻唱，雖然事前未有排練，她執生唱出一首《愛情陷阱》，依然贏盡掌聲。