黃翠如繼續唔講係咪有咗　行落台要人扶

藝人黃翠如早前傳懷孕，今日（3日）她現身台慶劇《黑色月光》宣傳時，從台上拾級而下時用手按腰後及需工作人員攙扶。

提到她缺席近日的節目巡禮，被指要「養⋯」似暗示她懷孕，她笑言：「佢哋話係照稿講，我想知係邊個寫。」又解釋當日因在內地工作而缺席，至於老公蕭正楠表示有好消息時會向大家公布，問到是否由她公布？她說：「如果有好消息，我一定會主動同大家講。」講到扶腰舉動，她堅稱沒有，並指着男記者說：「男人點會識女人嘢。（口味有冇變咗？）男人識乜嘢。（你去內地工作咁頻撲會唔會影響身體？）有工作我會做，我好健康。（之後係咪要停工？）之後公司好似未有工作安排畀我。（你推咗之後嘅工作？）唔係，我暫時只係得呢套劇宣傳。」

另外，蕭正楠早前因主持節目《呃錢》，而收到不少朋友主動向他報料，翠如透露自己也差點被呃錢：「試過收到銀行短訊要我幫定期存款續期，我撳入連結見到要填個人資料，發覺有問題就冇繼續做，不過我阿媽同奶奶就真係試過畀人呃，但損失唔多。」