劉俊謙襲東京用日文打招呼　自爆有個導演夢

影帝張家輝、劉俊謙及陳法拉等主演的電影《贖夢》，近日於東京國際電影節內「亮相」，劉俊謙代表出席與當地粉絲見面，大談拍攝感受。戲中他份演一名背負秘密的精神科醫生，與張家輝飾演的病人戲中共涉人性深淵，而這次更是他首次在大銀幕欣賞該片。見面會上日本影迷表現熱烈及踴躍提問，令他倍感親切。

活動上劉俊謙先以日語向觀眾打招呼：「日本影迷好投入，問答環節中我以為唔係好好笑嘅，佢哋都會畀笑聲同掌聲，鼓勵性好強，所以今次可以同佢哋交流，我自己都好珍惜同埋好開心。」談到早前家輝在英國獲頒「最佳導演獎」，他表示：「對佢嚟講呢個導演獎意義重大，佢演員成就已經好豐富，但係佢對自己作品獲得認同非常重視。今次冇機會當面恭喜，借呢度先向佢講聲恭喜。」他坦言自己亦有個導演夢﹕「其實我最近都寫緊劇本，諗住如果之後有機會，做導演之餘加上自己創作故事，至於我創作咩內容，就暫時唔向大家透露喇。」