談善言增磅做「媽媽」　盧鎮業難忘幫BB沖涼

藝人談善言及盧鎮業參演電影《虎毒不》，近日入選「第37屆東京國際電影節」的「女性賦權單元」。日前二人聯同導演陳小娟專程飛往當地出席開幕典禮，兼出席首映禮，現場觀眾反應熱烈，令他們振奮不已。今次為演繹媽媽的角色，談善言指自己為貼近一個新手媽媽的體態，事前特意去增肥，也做足功課才開工：「搵咗好多位媽咪去了解點樣照顧一個初生BB，佢哋亦好無私咁分享咗好多，令我從中得到好多靈感。」

至於盧鎮業則連續兩年出戰東京國際電影節，且透露：「拍《虎》片最深刻係其一場戲要幫BB沖涼，我好擔心會整親BB，所以我真係好似新手爸爸咁手足無措！」而當日活動結束後，眾多觀眾排龍要求索取團隊簽名及合照，而談善言更邀請到她有份演出的劇集《打天下2》拍檔、日本空手道「高踢少女」武田梨奈到場支持，場面溫馨又感人。