Gin Lee再出2歌志在必得爭女金：我會衝到最後一刻！

歌手李幸倪（Gin Lee）與師弟曾傲棐（Arvin）齊接受訪問，擁有三首叱咤冠軍歌的Gin，暫時成為年男、女歌手最好成績的一位，更被指最有機會首得「女歌手金獎」，Gin即笑言：「大家講呢啲，我鍾意，哈哈！多謝大家。（係咪覺得自己攞女歌手金獎機會極大？）冇特別去諗機會呢個問題，但信心一定要有，今年已盡力做咗好多唔同嘅了工作，做好自己就便可以。」雖然已近年尾，但她希望能在年底前再推出兩首新歌，她坦言：「我會衝到最後一刻。（唔畀機會其他對手？）唔好咁講，只係自己全力做到最好。」她表示仍未準備出席頒獎禮的戰衣，但透露會向勁靚或勁型方向進發，更笑言：「我除咗身材，其他都好有才華。」

談及兩首冠軍歌的女歌手陳凱詠（Jace)是唯一有追貼她的女歌手。Gin表示：「大家都很努力，Jace若然得獎，我都會戥佢開心，因為我哋曾同公司，大家都有聯絡，而且知道佢好努力。」師弟Arvin表示公司說他今年有機會上台獲獎，由於他緊張時會口窒，又怕漏了多謝人，所以要好好準備。Gin即教他要預先寫好得獎感言。

至於陳凱詠（Jace）成績亮眼，以獨立歌手身份摘下「叱咤903專業推介」2首冠軍歌，但她說：「冇理會過成績，可能身邊人眼見我咁辛苦，就讚我做得好嚟鼓勵我。（有機會攞叱咤女歌手金獎？）當然唔會！（暫時只得你威脅到Gin Lee咋喎。)唔係嘛！要計總播放率，我絕對唔敢超越佢，因為自己製作歌曲時，完全冇想過成績，今年係有啲意外。」

她透露仍有一首歌想盡快推出，因歌曲完全表達到她今年的心情，如成功推出的話，今年總共有4首新歌。被指推出歌曲數量也力追Gin Lee時，她她解釋自己創作了很多新歌，只是很心急推出，更想推出5首或6首，不過要考慮金錢問題。面對獎項問題，Jace表示有點驚，覺得若然獲獎，上台時怕自己講錯話，還害怕在獲獎後便要面對明年的成績問題。

同場的林家謙暫時有1首冠軍歌，問他可有信心再襌聯男歌手金獎？他稱：「對所有男歌手都有信心，今年推出咗近10首作品，非常滿意成績。（咁勤力係咪想打破被叫廢青？）我唔知道，每個人嘅看法唔同。」

「聲夢」歌手張馳豪（Aska）和林智樂（Felix）以冬裝示人，穿上厚身格仔長褸的Felix坦言熱到出汗，但頭上貼了不少彩色熊仔耳環當飾物，他笑言為抗熱要靠幻想：「自己喺雪山就變得涼快」，而Aska露出一對麒麟臂，但穿了羽絨背心和毛毛長褲。

問到頒獎禮的戰衣是否同樣有厚度？他們表示還未準備，但透露身在新西蘭讀書的姚焯菲（Chantel）將回港與他們三人行出席頒獎禮。

說到早前一眾「聲夢」歌手慶祝萬聖節，當中有遭雪藏的炎明熹（Gigi），二人表示跟Gigi有保持聯絡：「佢玩得好開心，話好享受校園生活，我哋有關心佢，觀察到佢係成熟的面對，大家相處冇尷尬。」Felix又稱：「唔使安慰佢，我哋玩得好開心，之後仲去食消夜，傾咗好多生活同校園嘅日常，但冇傾談工作。」問到是否工作上合作無期？二人表示這方面要看公司安排，並透露下一次聚會是待Chantel回港慶祝對方高中畢業，當然希望全體學員出席，但始終尚有一個月時間要等。