「馮盈盈師姐」楊慧敏過大禮　金豬牌流星錘龍鳳鈪搶Fo

先後參選港姐同「口罩小姐」均落敗的「馮盈盈師姐」楊慧敏（Mina），上年宣布答應男友求婚，不過到了最近才忙於籌備婚禮的她，今日（4日）於社交網晒出過大禮的照片，留言：「禮成！王生終於落咗訂！好多謝你同你屋企人咁錫我，所有嘢我都好鍾意。感謝咁多位兄弟姊妹嘅幫忙，過大禮非常成功。」並開心可以準備做王太：「一直都係西式Girl嘅我，對於傳統嘅禮節真係完全唔識，好彩遇上大妗姐，好細心咁樣教導我哋每一部應該點做（原來成個過禮過程我同埋王生都係唔可以出現），每一個利是封應該入啲乜嘢，仲會打鑼打鼓非常熱鬧。」

相中所見，過大禮跟足傳統儀式，除了打鑼打鼓，還有各式各樣的參茸海味、生果兼發了芽的椰子，但最令注見的當然是金器。今次準備了多對龍鳳鈪，其中一對是巨型流星錘，還有一條巨型大豬牌鏈、鑽戒和玉鈪，認真大手筆，難怪Mina家人都相當滿意啦！