李多慧無懼颱風照環島　8個鐘車程淋足6個鐘雨

韓籍啦啦隊女神李多慧，近年喺發台灣發展有聲有色嘅佢，人氣高踞不下。隨着今年球季結束，終於迎來假期嘅李多慧，早前亦宣布自己即將展開環島之旅，並喺環島之旅嘅第2日開直播同粉絲透露原定11月5號宜蘭出發，未料沿路遇到唔少被颱風康妮吹倒塌嘅樹木：「民眾跟我們說前方路斷了一個大洞，還把照片給我看。」之外，原本打算揸電單車上武嶺嘅李多慧亦以失敗告終，表示山路唔止霧大，仲又濕又凍，令佢一行人踎喺路邊手足無措，8個鐘嘅車程有6個鐘都淋緊雨，甚至全日剩係食咗1個公仔麵，不過樂觀正能量嘅態勢仍引嚟唔少網友留言道：「遇到波折，在直播中還是充滿正能量，我真的打從心底佩服她。」、「她行動力好強！」