周子瑜葉舒華現身台南　卸下光環驚現平民Look

台灣藝人周子瑜以女團TWICE成員身份出道9年，日前特地返台嘅佢，更出席好友Elkie（莊錠欣）喺新莊舉辦嘅個人演唱會。此外，同（G）I-DLE成員葉舒華係好友關係嘅周子瑜，日前（5日）晚上更被網友直擊2人現身台南大東夜市，並晒出2人坐喺街邊檔嘅相，只見2人各戴1黑1白嘅口罩之餘，周子瑜更以全白打扮亮相，而一旁嘅舒華則頂着一頭橙紅色長髮現身，身穿格仔襯衫及黑色長褲嘅佢,打扮同樣低調樸素，引嚟唔少網友留言道：「你這輩子的好運應該用掉了一部份了！」、「後悔沒去進！」、「麻煩不要亂拍我老婆！」、「大東夜市，昨天有看到！」、「小確幸，居然沒有人搭訕。」更有網友大讚粉絲們嘅不打擾行為道：「不得不說，攤販算是相當有禮貌的！」、「小粉絲懂得保護偶像的隱私，真不錯！」