羅毓儀同謝雪心相差45歲　因Cosplay締造忘年關係

藝人羅毓儀與較自己年長45歲的謝雪心竟然分外啱玩，今日（9日）出席劇集《巾幗梟雄之懸崖》宣傳活動時更自揭「關係」，原來大家都是Cosplay愛好者，並已相約明年動漫節齊齊出動，羅毓儀已滿腹大計，希望到時再找來一個男伴，與謝雪心Cosplay扮演「動漫一家三口」。

談到《巾》劇的拍攝，羅毓儀指最難忘是到橫店外景：「我都係第一次出埠拍劇，每日收工都同大家一齊食飯或者唱K，感覺好似一家人，而且胡定欣同黎耀祥經常萬歲，我哋試過食全羊宴，搞到我返嚟都肥咗少少，不過好開心。」由於內地網購十分方便，羅毓儀自爆：「成日上網買嘢，每日返到宿舍，第一時間都係衝去大堂個架度，睇吓有冇自己嘅包裹，莊思明同關嘉敏等有空就購物，佢哋買得最多。」