麥德羅「做錯事」女友斬情絲　劉麗萍：唔涉及第三者

藝人麥德羅前女友劉麗萍（Apple）創業搞健康食品生意，邀來圈中好友劉錫賢、魏秋華、雪梨及丁悅等現身開幕禮撐場。為今次創業，Apple花上7位數資本，又坦言：「其實呢門生意我03年沙士時已想做，點知後來顧住拍拖，同埋做娛樂圈嘅開心嘢，搞到擱置咗，20年過去我就問自己係咪咁樣落去，所以今年初就扚起心肝去籌辦嘞。」

自嘲戀愛腦的她，苦笑感激麥德羅「做錯事」，令她決定斬情絲，目前投入工作及為自己而活：「我哋唔涉及第三者嘅，但亦都唔想講太多。（依家係咪唔諗再拍拖嘞？）係，做嘢先啦。」

而劉錫賢則指將與女友迎來拍拖3周年：「覺得要俾番個名分佢嘞，我哋見過家長，希望出年結婚。（點同女朋友慶祝周年紀念？）佢忙緊幫兩個女搬屋，而且佢唔記得咗，睇吓忙完點先啦。」不過由於身形體重反彈，他租女友投訴，所以目前正尋覓方法積極減肥。