楊丞琳成都Cos熊貓未夠喉　中門大開扮一碌竹

台灣「可愛教主」楊丞琳出道至今逾23年，自從同內地歌手李榮浩結婚後，更將事業重心轉移內地發展。而日前喺成都舉行「LIKE A STAR」世界巡迴演唱會嘅佢，更為咗配當地文化Cos熊貓演出，並分享道：「雖然每場都有新衣，但返場更是大翻新！分享開場熊貓皮膚和酷帥西裝給大家！」引嚟唔少網友留言道：「熊貓髮箍和熊貓夾子有沒有連結呀，想Get同款！」、「誠意滿滿的返場！」、「熊貓也太可愛了吧！」

此外，意猶未盡嘅楊丞琳，更喺社交網追加晒出Cos熊貓最愛食嘅竹：「成都返場最後一套新皮膚，我成為了熊貓的食物，也就是竹子本人，請叫我『竹子琳』，這個巧思還不賴吧，OK！這幾天的照片洗版結束，先醬。」只見楊丞琳頭戴兩個熊貓髮飾之餘，更着上一套青綠色嘅平口修身長裙，裙上更繡有精緻嘅植物、花卉圖案，整體望落相當古典優雅。