虞書欣人魚裝生圖曝光　顏值跌Watt連腰都冇埋

內地「95後小花」虞書欣憑主演新劇《永夜星河》再創事業高峰，人氣爆紅嘅佢，日前出席影視活動時嘅一舉一動都備受矚目外，身上嘅粉紅Tube Dress更成為全場焦點，事後虞書欣亦喺社交網晒出多張性感靚相，未料就有網友晒生圖抱怨「頗有差距」：「完全看不出來有170公分！」

只見虞書欣身上嘅粉色魚尾長裙，繡滿精緻水鑽，猶如啱啱上岸嘅人魚般誘人外，小露線頭嘅飽滿上圍及纖纖小蠻腰，更係認真煞食，引嚟唔少粉絲愛的告白同時，更有網友晒出虞書欣未修圖嘅照片，原本凹凸有致嘅S身材，瞬間跌Watt變水桶身材之餘，就連原本銳利嘅下顎線及鵝蛋臉都冇埋，引嚟唔少網友留言道：「真的有差…」、「工作室這修圖。」、「女明星的生圖是這麼回事。」、「原本洋裝的顏色有點土氣。」、「這禮服沒修不行呀。」