虞書欣人氣爆燈泰國變巨星　超強人海為見紅顏一面

內地「95後小花」虞書欣憑主演新劇《永夜星河》成炙手可熱花旦，人氣再次三級跳，真係唔講得笑。佢依家食住個勢飛咗去泰國搞當地首個粉絲見面會，現場驚現超強人海，現場，氣氛亦好好，不枉虞書欣專程去到當地見粉絲，佢更以兩套中國風晚裝見人，兩條裙仔都金光閃閃，似足去「登基」一樣，其中一襲就晒出白滑美肩，貼身剪裁令佢身形曲線更明顯，難怪唔少粉絲都話好羨慕每個去到現場嘅人。

下月生日嘅佢，獲當地粉絲誠意製作生日視頻，氹得女神感動又欣慰，佢仲特地畀大家睇自己背後嘅巨型蝴蝶結，將自己打扮成一份禮物獻畀在場每位，又即場撒嬌扮貓，寵粉無極限。

另外，網上流出疑似黃曉明女友葉柯同朋友對話畫面，當中見到疑似葉柯指「虞書欣看不上他（黃曉明）」，而早前黃曉明同虞書欣早前於節目綜藝節目《中餐廳》第8季合作，二人有來有往感情好，即令人聯想到黃曉明同虞書欣到底感情如何。