當年同蕭亞軒姊妹情鬧翻　柯震東楊謹華激罕同框

台灣天后蕭亞軒早年同細佢12年嘅台灣男神柯震東拍拖，一對戀人不被睇好，2017年時就有傳楊謹華同蕭亞軒因為柯震東而鬧翻長達16年嘅閨密情。當時有傳柯震東原本想追楊謹華，不過因為當時女方前男友係柯震東好兄弟懷秋，加上後來楊謹華懷秋復合，楊謹華才將柯震東介紹給蕭亞軒。隨此之外，有指因為當時蕭亞軒戀愛腦上身，同柯震東交往後工作幾乎停擺，楊謹華唔希望好友因戀愛影響工作而多次提醒，然而勸了又勸後彼此意見分歧，閨密友誼終現裂痕。

如今楊謹華同柯震東出席朋友生日會，當日眾星雲集，大合照即掀起討論，柯震東與楊謹華兩人百年難得一見同框，大家都好奇二人有冇喺飯局上互動，未知會否成為二人破冰一刻。