波波水着放題解放34E導彈 　摸小鮮肉胸肌嗌興奮

藝人「波波」黃婧靈加入無綫節目《冲遊泰國》擔任主持，今晚（11日）與胡慧冲轉戰芭堤雅，波波不單任主持更成為節目的「性感擔當」，為節目自備多款泳衣，由一件頭開窿、三點式到抹胸款式，應有盡有，在節目中上演「水着放題」大晒34E導彈身材。波波受訪透露今次到泰國拍攝帶備了7、8套不同款式的私伙泳衣，她說︰「Roger冇指明要幾多套，所以帶多幾套，工作人員仲一路拍一路猛講笑話係『水着放題』，幾搞笑。」

此外，明晚（12日）波波被安排參加船上嘉年華表演，還被邀請上台任由一群小鮮肉圍跳辣身舞，小鮮肉更主動捉住波波的手，在胸肌上撫摸遊走，令波波興奮猛喊「Oh！Ｍy God！」波波笑言那一刻的確有心動感覺︰「畀咁多男仔圍住，話冇心動就呃你，仲要畀小鮮肉圍就更加激動。佢哋表演同觀眾有好多互動，跳到成身汗仲叫我幫佢哋抹汗，真係熱血沸騰。」而波波在節目中自我介紹，竟然被Roger制止，原來「波波」發音在泰語上代表「裸露」，容易引人誤會。