「吹簫萍」夏志珍時隔多年重返幕前　自言冇戲癮唔恨復出

藝人夏志珍應梁思浩邀請擔任《直播靈接觸》嘉賓，思浩表示雖兩人從小便認識，但已經斷聯了25年：「就因為佢搵到真愛，所以喺我哋朋友堆入面消失咗，同埋另一樣就係佢根本冇同娛樂圈人接觸。」夏志珍聞言即解釋稱有與兩位圈中人保持聯繫，但他們都好有名氣，隨意不太方便開名。

已定居於溫哥華的夏志珍透露會回港5日，今次上節目會分享個人親身的靈異經歷，她坦言自己好相信有第三空間，也相信有神：「無論你信邊一個教，都會有一個主宰，主宰咗你命運同人，不過生命會隨你做好事定懷事去改變。」

夏志珍最後一次幕前拍攝已是1993年，所以今次重返幕前拍節目都大感懷念，問到可會緊張？她笑言：「有咩好緊張，分享自己真實嘅嘢我一啲都唔緊張，佢問咩我就答咩。」不過她坦言自己沒有戲癮，亦沒有回到娛樂圈的想法：「因為今次我純粹支持朋友，同埋佢講靈異嘢，我都覺得我可以分享自己親身經驗，再加上我懶。」

夏志珍1986年參加香港小姐入行，可惜未有獎項，當年三甲為李美珊、吳婉芳及倪萱彤，不過由於樣貌帶點霸氣，入行後多演巴辣角色。她憑由周星馳主演的《新精武門1991》鳳姐「吹簫萍」一角入屋。戲中星爺被鍾鎮濤飾演的「瀟灑哥」老點，去咗搵鳳姐「吹簫萍」話要過夜，「吹簫萍」就正正係夏志珍。而現實中她曾因為婚姻問題，於1999年為情服藥自殺，昏迷獲救，總算大步檻過。