江嘉敏30歲生日飛台灣送驚喜　意外變「奢侈」遊

無綫小花江嘉敏今個月剛剛踏入30歲，日前她飛到台灣，原本打算找跟她同年生日的好朋友，偷偷地給對方一個驚喜，奈何驚喜變為「驚嚇」，因為去到當地時，嘉敏才發覺對方不在台灣，結果於當地逗留一日便返港。嘉敏昨日接受東網訪問時笑言：「真係激死我，咁都去到咯，惟有食個打邊爐咪返香港囉！好似好奢侈咁，以前聽朋友講，搭飛機去越南食碗越南粉就返，估唔到今次輪到我，不過我都唔執輸，一落機我就去咗十份放天燈，因為我從來未去過，都幾得意，夜晚咪去咗夜市。」問到放天燈許了甚麼願時，她謂：「最緊要都係身體健康，同埋工作順利、世界和平。」