楊明自爆被楊茜堯蝦　睇好對方衝擊視后：做得非常好

藝人楊明近日出席「夢飛行11」台灣之旅活動發布會，他透露本月底會與女友莊思明帶團，陪伴輕度智障、行動不便或來自低收入家庭的小朋友到台中旅行，一齊觀光及行夜市，完成他們的飛行夢想，相當有意義。提到他有份演出的台慶劇《黑色月光》反應好，楊明稱收到不少回響及支持，其角色是楊茜堯三姊妹的鄰居好友，助她們復仇，他本身跟三人亦份熟好友：「有10日我哋喺香港嘅一條村入面拍攝，有開心有唔開心，唔開心係佢哋3個夾埋蝦我，開心就每逢拍通宵戲，阿娜（楊卓娜）都會煲湯同糖水畀我哋飲。」他大讚楊茜堯演技好，大有機會衝擊視后：「真係做得非常好，佢個眼神好犀利，有料到，而且個劇本都寫得都好好，劇組每日都會執吓個劇本，務求做到盡善盡美，個劇本都係嘔心瀝血。」