袁偉豪領軍父母交流會遊濕地公園　與陳家樂抱B做稱職神隊友

袁偉豪、陳家樂和葉泓聲都是男神代表，如今各有家室，大個仔結婚做埋老竇。隨着小朋友慢慢長大，加上漸漸秋涼，他們就帶埋老婆和B仔B女到濕地公園，搞了一個父母交流會，實行親子樂。

3位爸爸果然是神隊友，湊B有一手，令3位太太張寶兒、連詩雅和陳樂榣相當放心，只見袁偉豪和家樂抱B手勢純熟，B仔B女在爸爸懷抱一臉滿足，認真識歎。袁偉豪留言：「就嚟一歲的袁咕碌，開始對身邊一切事物都好好奇，與其成日係室內玩，今次就趁秋涼約埋啲friends去吓濕地公園👶🏻👶🏻👶🏻其實香港生物多樣性好豐富，如果有機會遇到香港獨有動植物，各位bb一定可以聲畫俱全咁有效學習🤣」