分別贏過奧斯卡影帝與男配角的69歲美國男星丹素華盛頓（Denzel Washington）最近宣傳新片《帝國驕雄II》（Gladiator II）時露口風自言準備退休，只餘下少數電影與舞台劇想演，包括漫威超級英雄片《黑豹3》（Black Panther 3）：「我22歲時演過《奧賽羅》（Othello），我70歲將會再演《奧賽羅》。之後我會演《漢尼拔》（Hannibal）。之後我同導演Steve McQueen傾緊演一部戲。之後導演Ryan Coogler喺下一部《黑豹》寫咗個角色畀我。之後我會拍《奧賽羅》電影。之後我會演《李爾王》（King Lear）。之後我就退休。」

他解釋：「主要係睇個導演，尤其是喺我事業呢個階段。我只想同精英合作。我唔知仲可以拍多幾多部戲，相信都唔多。我想做啲以前未做過嘅嘢。」