方皓玟自爆中學情史　自詡受歡迎「男女通殺」

歌手方皓玟為無綫節目《美食新聞報道》擔任嘉賓，出道時曾經是「西環之友」的她今趟重遊舊地特別帶蔡景行（行仔）幫襯舊居對面的麵店。小明指此店有藏有不少回憶，更啟發出自己音樂創作︰「有時寫嘢寫到肚餓，又唔想食得太豐富，就會落嚟呢度叫碗麵、菜。呢條街醞釀咗好多靈感，三首大家比較鍾意嘅歌曲，都係喺西環舊居寫。」恏透露過往西環時還有一間「奮鬥房」，每次上到去都會充當廉價勞工，一日可以寫出5、6首歌，產量非常驚人。

二人在區內尋找學生餐的「古祖味」，黑椒牛扒、蒜蓉豬扒套餐，是中學時代不二之選，小明透露中學時先後轉過5間中學，行仔笑問她讀過5間中學，豈不是有最少5個男朋友？她則直率的回答說︰「唔係、唔係，有3間女校、兩間男女校，男同女我都通殺嘅。唔使技能，係我比較受歡迎。」