莊子璇朝聖安成宰米芝蓮餐廳　食神上身逐樣評

前港姐冠軍莊子璇早前迷上了韓國綜藝節目《黑白大廚》，除了狂煲節目外，近期得知在節目中擔任評判的安成宰開設的餐廳，原來在香港也有分店，於是立即打扮得靚靚前往「朝聖」。子璇品嘗過安成宰餐廳後後激讚廚藝，覺得大廚的菜式相當犀利，她說：「餐廳同佢喺《黑》想表達嘅好似，好精緻，但又唔會有多餘嘢，自己最鍾意食前菜，其中一樣前菜望落去好似係一個普通嘅蝦壽司，但下面原來唔係飯，係薯仔嚟，一啖咬落去有唔同口感。另一個前菜睇落係蘿蔔下面一個撻，以為好簡單，但食落去就好多唔同味湧埋嚟。」

女仔最鍾意吃甜品，子璇也不例外，她笑說：「有個甜品，好似食淨一啖嘅雪糕，食落係柚子味，但吞咗之後條脷就留有苿莉茶嘅餘香，果然係三星餐廳，真係好犀利。」莊子璇直言追節目期間也有想過飛去韓國品嘗節目中廚師的餐廳，加上自己未到過韓國，相當有興趣前往朝聖。