「蝙蝠俠」米高基頓自爆曾被迫與「小丑」積尼高遜去夜蒲

美國男星米高基頓（Michael Keaton）早前再與鬼才導演添布頓（Tim Burton）合作再拍80年代經典電影《嘩鬼家族BEETLEJUICE》（Beetlejuice Beetlejuice），而米高最近受訪時爆當年與「小丑」積尼高遜（Jack Nicholson）於《蝙蝠俠》（Batman）合作時的秘聞。

米高爆當年經常拍住積尼高遜去夜蒲，他們除了到《花花公子》（Playboy）創刊人Hugh Hefner的加州大宅與「花花公子」兔女郎狂歡之外，有次積更邀請他坐私人飛機去巴黎夜店開P。他表示：「我通常會喺佢（積尼高遜）走之前返酒店，我記得我喺度諗：『係有趣，但對我嚟講有啲浪費。』」而米高回想當時的情況時，他就表示自己其實不太享受夜蒲，反而只想與積交談。米高說：「我真係好喜歡佢（積尼高遜），佢真係好有智慧。一個真正嘅讀者。有一種與生俱來嘅智慧，一種自學嘅智慧……因為佢好鍾意睇書。積係一位精明嘅健談者，總係有話題要發表。」