關曉彤生圖流出　驚現虎背熊腰

內地女星關曉彤外貌甜美、氣質清新出眾，出生自藝術世家嘅佢，4歲出道、8歲就出演陳凱歌執導嘅電影《無極》，可以話係觀眾由細睇到大嘅童星。而不時透過社交網分享生活點滴嘅佢，日前就晒出一輯着上粉色平口薄紗襯黑色長裙嘅靚相，雖然身材同樣貌都相當出眾，不過一頭紅髮亮相嘅佢，就被網友狠酸：「大型災難現場。」此外，亦有網友晒出現場側拍未修圖嘅照片，相比關曉彤工作室精修過照片，生圖下嘅關曉彤鵝蛋臉變Baby Face之餘，甚至呢套衫仲將佢大骨架嘅劣勢暴露無遺。