何沛珈新劇扮鵪鶉跟高海寧搵食　笑楊卓娜大懵好可愛

藝人何沛珈近日忙於穿梭香港及深圳，主持節目外還要應付新劇《夫妻的博弈》的拍攝工作。她透露：「劇情交代我同高海寧等幾個女仔，喺辦公室畀啲男仔蝦，所以後來組成粉紅女團崛起對抗，都幾好玩。」談到今次角色，她表示與現實生活中的性格完全相反：「個角色好似鵪鶉咁，唔似我囉。（咁同邊個對手戲多啲？）高海寧同楊卓娜，後者仲好好，成日帶湯分畀我哋飲，又帶大箱零食公諸同好，但估唔到佢同我一樣咁大懵，好可愛呀！」

由於忙於拍劇，何沛珈飲恨不能參與日前機場賽跑盛事：「最可惜係唔能夠同發哥（周潤發）集郵嘛，我其實報咗名，最終都安排唔到出賽。嚟緊1月我會參加馬拉松10K，希望挑戰自己，能夠50分鐘內完成賽事啦。」