冼靖峰狂出新歌事業有轉機　練舞健身裝備自己

藝人冼靖峰（Archie）近日忙於新歌《勇氣》宣傳，同時亦已收到另一新曲的Demo，首聽已深得其歡心，難怪Archie坦言有心水填詞人及監製，希望能成功邀得對方合作。

回顧2024年發展，出道3年的他直言較去年有所進步：「今年曝光多咗嘛，去年就埋頭苦幹錄節目及拍劇。（鍾意咗演戲？）係㗎，初初演戲時好懵懂，好彩有同劇前輩教路，好感恩。」Archie坦言會捉緊任何機會，日常亦會花時間「備戰」，迎接任何事業上的需要及可能：「好似練舞同健身咁，尤其健身日日都keep住，起碼做2、3小時。健身好得意，唔會一日就睇到成效，但持續3、4個月就一定睇到成績！（長期控制自己嘅飲食？）係呀，真係需要嘅，依家唔博等幾時？（諗住除衫？）有需要會考慮。」