芯駖首撇隊友赴日感寂寞　事先學日文同觀眾打招呼

女團COLLAR成員芯駖日前代表主演電影《望月》，到日本福岡出席「光影浪潮-香港電影新動力2024」，首次撇低COLLAR成員，獨自出埠的她坦言今趟旅程難免有點孤寂感，但她仍感恩有今次機會。她過往曾到日本拍攝團歌MV及綜藝節目，不過為電影出埠卻是首次，她表示：「覺得同日本好有緣分，之前好多工作都喺日本發生」，笑言出發前還嘗試學好幾句日文，跟日本觀眾打招呼。

另外，今年單飛出歌的芯駖，對於新人獎可有盼望？她稱抱平常心：「因為出作品，我係好享受過程，好喜歡整個作品由零開始，去到誕生，箇中經歷係好開心，呢個亦係令我想做更加多作品嘅動力，所以重點係作品，對獎項未有太大盼望。」講到隊友Marf去年奪下多個女新人獎項，對此她可有壓力？她說：「上年Marf成為女新人，好戥佢開心，好Proud of佢。我又冇壓力喎，無論喺團或Solo都有好多作品，獎項如果有係感上添花。」問到會否邀請媽媽出席頒獎禮時？芯駖笑言媽媽年紀大，留在家中舒舒服服看電視好過。