衛詩雅爆姊妹圑大鑊　許靖韻有鋪剃毛癮

由衛詩雅（Michelle）及許冠文領銜主演的英皇電影《破·地獄》票房勢如破竹，忙於繼續四出宣傳的她，亦抽空為明年2月16日的結婚大日子做好準備。日前在自家頻道中，Michelle分享試新娘妝的過程。

試妝期間，她向化妝師八卦新娘的「花生料」，化妝師指曾遇過新娘一入房就鬧奶奶、又有奶奶和外母鬥靚及利是銀碼鬥大，而最爆的是新郎及伴娘趁無人時，突然偷偷拖手，聽到 Michelle以「爆新娘房匪夷所思」為短片主題。

Michelle又指其姊妹團名單中，包括有周家怡、李蘊，還有反串的好友陳家樂，不過曾想搵同公司的好友做姊妹，但因對方的「不良習慣」而打消念頭，她大爆：「我有諗過搵許靖韻，但係我好驚，佢太唔可靠喇！佢係會剃緊鬚嗰個，你明唔明呀？剃緊胳肋底毛嗰個，長期補緊妝，真係大鑊，所以我唔敢勞煩佢。」至於搵周家怡就覺得明智，因對方易控制又爽快，重點是：「佢仍然係單身。」