熊黛林拗柴老公心痛　郭可頌抱愛妻上車扭傷手

藝人熊黛林今日（22日）以代言人身份出席宣傳活動，熱愛運動的她，表示跟老公郭可頌拍拖時已一起做運動：「生完BB佢都有陪我一齊減肥，不過疫情嗰陣冇得出去做運動，所以買咗啲器材喺屋企做運動。」她表示作為藝人經常要穿緊身衫，身材管理很重要，故經常緞練腹肌和臀部，稱頗滿意自己身材，又自爆一個月內兩次拗柴，第一次在家中不慎拗柴，之後出街又再差錯腳，笑言意外難以避免，不過老公卻為抱她上落車而扭傷左手：「好搞笑，一齊睇醫生，一個包手，一個包腳，不過我都好得七七八八。」她表示近期主要在內地工作，為電影及電視劇開工，透露較早前跟吳鎮宇合演電影，戲中飾演一名指揮官。