賴彥妤收「飯局」Message　出價300萬不為所動

網上不時流傳女星被邀出席富豪飯局的消息，涉及金額由數萬至幾百萬不等，早前就有藝人麥詩晴（Ceci） 於社交網晒出聊天紀錄截圖，稱有人邀請自己去飯局，對方更直接表示「飯局上房50萬」，Ceci斬釘截鐵表示：「女演員的工作不包括這些範疇。」直言感到被侮辱。

事件發生不久，藝人賴彥妤（Vivienna）亦遇上相同情況，她日前在社交網貼出對話截圖，一位同樣自稱「香港XXX娛樂文化有限公司經理人XXX」向她詢問聯絡方法，連頭像照片亦一模一樣，唯一不同的是對方今次開出「Dinner 300萬」。

賴彥妤接受東網訪問，她表示是首次接到這類飯局邀請，並強調絕不會應約：「飯局友我直接Block咗佢，啲朋友除咗擔心我之外，亦覺得係騙案。」她表示之前亦收過一些變態訊息：「想買我著過既貼身衫，內衣絲襪之類，有啲驚，幻想到都有啲噁心，都係即Block。有啲更變態到自拍裸照！我呆左，之後佢再Send就唔敢睇，驚到叫個朋友幫我Delete左佢。」