Jer同恭碩良合作成就解鎖　目標下年開紅館個唱

本地戶外音樂節《Clockenflap音樂節》今日（29日）於中環海濱舉行，王雙駿與Hats On樂隊於黃昏出場，柳應廷（Jer）客串獻唱《狂人日記》，搞氣氛表示：「星期五好似唔係呢啲聲⋯⋯三二一一齊嗌，咁先係好玩嘅weekend！」他表演《約齊靈魂在墳墓開生日派對》時還加入打大鼓，最後以《人類群星閃耀時》作結，叫全場大合唱與開手機燈。

騷後訪問中，王雙駿指今年與Jer做歌覺得很夾，很恨玩live，視今次為熱身，測試觀眾反應。成員之一的恭碩良（Jun）透露是他教Jer打鼓：「教咗15至20分鐘。（好貴喎？）我哋呢啲唔講錢。」Jer自言能與Jun合作是成就解鎖，但坦承自己表演甩轆：「太緊張，搞到歌詞交錯，和音要執生。」他希望下年有機會開紅館，school tour亦會繼續。

被問到有否留意呂爵安（Edan）與床哥事件發展，Jer表示：「唔知喎。不過Edan好強大，睇落冇唔開心，佢都樂觀面對，我哋一直都練好強大心臟，會專注番音樂。」