片山萌美　战斗格G奶美人

曾几何时，港产片捧红咗唔少打女，但近年崛起嘅本港女星之中，睇得又打得嘅，真系少之又少，笔者连一个名字都噏唔出，反而日本写真界有位靓女拥有一副战斗格，佢就系G奶美人片山萌美。

高挑靓偈

日本写真界嘅高挑美人唔系好多，但胜在有料到，绝非高瘦平之流，好似近期横扫写真界嘅风吹惠，同埋今日为大家介绍嘅片山萌美都系好波之人！拥有“最强美乳”封号嘅萌美，今年已经34岁，但面上一啲老态都搵唔到，只系比之前多添几分女人味，衬埋几粒销魂痣，好有传统和风美人嘅感觉，令人晕得一阵阵！身材方面，有成5呎7吋高嘅萌美，骨架唔算生得好横，平时又好勤力做运动，操到冇乜赘肉，凸显其腰幼腿长嘅优势，而最紧要系心口一对天然G奶冇因为咁而缩水，实在系难得一见嘅靓偈！

角色多变

片山萌美天生丽质，曾以大学生身份参加日本小姐比赛，获得自然小姐奖项，之后顺势进军艺能界。出道初期，萌美嘅际遇麻麻哋，转战写真界之后，好多杂志都搵佢拍水着写真，后来仲拍咗一辑全裸写真，人气愈嚟愈劲，星运亦随之改变，不断有机会参与影视演出，仲因为有份演出电视剧《警视厅强行犯系樋口显》而成功入屋。

查实萌美真系好锺意演戏，乐于挑战不同角色，就算露埋点都冇问题！早前喺真人电影版《城市猎人》入面，萌美饰演神秘组织嘅战斗员，唔止造型性感，演出武打镜头时有板有眼，令人眼前一亮！照咁睇嚟，阿妹向打女方面发展，应该几有前途！

虽然片山萌美忙于拍剧演戏，但冇因为咁而冷待写真迷，登入其社交网，就会知道佢有冇新写真面世。

网址：https://twitter.com/neichiamo

Profile

出生地：日本东京

身高：5呎7吋

三围：37G-24-36