巫苡萱被爆「年紀大跳唔郁」　跳「16蹲」反擊

台灣啦啦隊「樂天女孩」成員巫苡萱，早前被網友發現近半年鮮少現身球場嘅佢，唔止出席率為0，日前更被傳因為年齡太大，自認跳唔郁，並轉戰擔任樂天女孩團長一職，對此所屬球團亦公開回應道：「針對周刊報道中提及巫苡萱的相關內容，所述的資訊並不正確，目前相關事宜還在討論中尚未定論。此外，樂天團長Rina將繼續留任。」此外，巫苡萱更喺社交網針對相關報道，晒出自己好體力大跳「16蹲」嘅影片反擊。