台慶頒獎禮︱羅天宇爭「男配」兼歌曲獎

藝人羅天宇雖然缺席《萬千星輝頒獎典禮2024》記者會，但他於「最佳男配角」中獲4項， 還有「最佳電視歌曲」提名，他受訪時謂：「唔係多提名就機會大，都要睇好多因素，同埋《巾幗梟雄之懸崖》我會睇好阿蕭（蕭正楠），我都投佢一票，因為佢一人演三個角色好難，真係好唔容易，我以為佢會入圍視帝，劇中我同佢有好多對手戲，我覺得佢好值得攞。」

傅嘉莉及阮浩棕同獲提名「最佳男、女配角」及「飛耀進步男、女藝員」，傅嘉莉發言時感觸落淚：「舊年我冇機會上台講嘢，今次可以講出嚟。（之前輸獎唔甘心？）冇，開心入咗飛躍、女配5強，終於喺螢幕上見到自己。」說到之前分別輸給高海寧和劉穎鏇，今年3人再爭「最佳女配角」，傅嘉莉說：「今年競爭大，抱平常心。（兩劇提名女配分薄票數？）會咩？咁我更加冇機會。」又表示睇好關嘉敏奪「飛耀女」。

而阮浩棕亦在台上講到哽咽，他說因憶起拍攝《異空感應》時的艱辛過程：「角色反差大，拍攝期間經常崩潰、嚎哭，返到屋企都打震，難抽離角色，但都好享受。」