Krystal避過韓國戒嚴現身上海　透視裝撼高圓圓吊帶裙

尋日（4日）上海有國際時裝品牌舉行品牌電影首映禮及晚宴，邀得多位亞洲巨星一同現身，包括泰國女星Freen、內地藝人劉詩詩、高圓圓、李冰冰、馮德倫等，同場更驚喜見到韓國藝人鄭秀晶（Krystal）及河正宇，二人為活動提早由川國際機場出發，剛好避過韓國國內戒嚴政變，先可以順利現身會場。

今次活動上各位女星被網友大讚碾壓近日多個品牌活動嘅妝造，當中Krystal身穿一襲透視碎鑽上衣，性感又帥氣，下身搭配俐落黑色西裝褲，造型夠晒幹練；Freen以長裙搭配金色手袋現身，非常耀眼。同場高圓圓就以格紋吊帶裙襯黑西裝，成為內地女星性感之最，寒流下解鎖視角盛宴。李冰冰就保守上陣，一身小熊冷衫Cute爆現身，被大讚有時尚觸覺。

劉詩詩就畀足面，分別以西裝搭配亮片裙及褲裝現身，更被現場網友晒出零濾鏡生圖，有網友拎出生圖同大會官方相做對比，驚訝發現女神靚樣喺兩張相係完成冇分別，只係顏色上有啲色差，仙氣有保證。