周杰倫「破蛋騷」加唱5首歌寵粉　昆凌帶「男伴」性感撐場

台灣天王周杰倫昨日（5日）喺台北大巨蛋開嘅第一場騷完滿落幕，寵粉嘅佢喺原定10首嘅點歌環節中，更額外加碼唱多5首歌，並以《七里香》為首日開唱劃下完美句點。而其「跟得夫人」昆凌，亦着上心口開窿嘅黑色小禮襯黑色長靴現身支持，性感得嚟又充滿優雅氣質嘅打扮，引嚟唔少網友大讚佢愈來愈有「天王嫂」嘅架勢之餘，喺昆凌同爺爺嘅合照中，更發現佢身邊坐滿「重量級嘉賓」，左邊坐咗周杰倫母親葉惠美嘅同時，再往左竟然係「封麥」多年嘅台語天后江蕙，認真犀利。